Tejiendo Solidaridad

La Escuela Tejiendo Solidaridad – Auzotik Mundura, es un proyecto que surge de la necesidad de poner en valor las voces y luchas de los pueblos del Sur Global. Tejer porque desde las organizaciones y comunidades que conocemos aluden a la importancia de conectarnos, acuerparnos y actualmente los tejidos son un símbolo de resistencia de muchos pueblos. Pero, además, tejer, tiene una relación semántica con tramar, pensar, entrelazar… que vinculamos con la necesidad de un pensamiento crítico y reflexivo, además de colectivo, sobre el mundo que queremos.

Comenzamos este proyecto en 2020 formando un grupo con miradas y ámbitos diversos entre Mugarik Gabe Nafarroa, SOS Racismo, SODEPAZ y REASN. La Escuela propone distintos espacios formativos, encuentros, círculos de reflexión, acciones, herramientas artísticas, tratando de trabajar en procesos mano a mano con asociaciones y colectivos de barrio.

Partimos desde la idea de la integralidad e interseccionalidad, porque la manera de estar en el mundo de las personas está condicionada por múltiples factores de discriminación que se superponen y frente a ellos son necesarias las propuestas desde los feminismos, el antirracismo, el movimiento campesinado, las identidades disidentes, etc. Igualmente, consideramos fundamental estar abiertas a aprender y escuchar de las reflexiones y acciones que vienen del Sur Global para cuestionar y transformar el estilo de vida de las sociedades que conformamos el Norte Global.

Si quieres saber más de la Escuela y estar actualizada de lo que estamos haciendo, puedes pinchar en el Link-tree para acceder a todas nuestras redes sociales.

Proiektu honen bidez, jatorri, profil eta adin desberdinetako pertsonak elkartzeko guneak sortu eta sustatu nahi ditugu –Tejiendo Solidaridad (elkartasuna ehuntzen)-; kulturen eta belaunaldien arteko aniztasunean eta aberastasunean oinarritutako prozesuak eraikiz.

Auzotik Mundura

Gainera, proiektuak komunitate izaera du – Auzotik mundura –, auzo-mailan lan egin nahi baita komunitate-lana egiten duten kolektiboekin, honela, gizarte-sarea indartuz. Talde-prozesuak garatuko dira kolektiboen eta parte hartzaileen beharrizan eta kezketatik abiatuta, ikuspegi globala txertatuz eta, horrela, sistemek eta aldaketa sozioekonomikoek nola eragiten diguten eta gure eguneroko tokiko ekintzek (banakakoek zein kolektiboek) mundu mailan duten eraginaz kontzientzia hartuz. Iruñeko baliabide eta gizarte-plataformen informaziorako sarbidea ere emanen da.

Herritartasun Globalerako eta Gizarte Eraldaketarako Hezkuntza – Hegoaldeko ikuspegia

Osotasuna eta intersekzionalitatea

Gure ustez, funtsezkoa da intersekzionalitate-ikuspegi bat izatea, pertsonek gizartean dugun posizioa gainjartzen diren zapalkuntza-sistema desberdinen ondorio diren kategoria sozialek nola zeharkatzen dituzten aztertu ahal izateko: arrazismoa/etnizitatea, generoan sexismoa, erlijioa (erlijio-diskriminazioa), nazionalitatea, sexu-orientazioa (homofobia), klasea (klasismoa), desgaitasuna (kapazitatea)…

Eraldaketak Iparraldean: Ekintzarako bideratu

Ez du ezertarako balio Hegoaldea aldatzeko ahaleginak egiteak Iparraldea ere eraldatzeko konpromisorik gabe, bertan aurkitzen baitira desoreka horien zati handi bat eta, askotan, horien jatorria.

Prozesuak garatu, noiz behinkako ekintzen ordez

Hezkuntza-prozesuaz ari gara; izan ere, beharrezkotzat jotzen dugu egiten diren ekintzak ez izatea unean unekoak, baizik eta kolektiboekin egin beharreko plangintza adostu baten parte; izan ere, elkarte horiek ibilbide bat dute, eta testuingurua zein lan egiten duten biztanleria ezagutzen dituzte. Kontua da ikuspegi globaletik eta Hegoaldetik abiatuz zenbait trebetasun, baliabide eta ezagutza instalatuta uztea, gero proiektuan parte hartzen duten elkarteek gure presentziaren beharrik gabe mantendu ahal izan ditzaten.

Metodologia parte-hartzailea

Aurreko guztia lortzeko, metodologia parte-hartzaileak zein hezkuntza herrikoi eta eraldatzailearen tresnak erabiliko dira, sormenean eta lankidetzan oinarrituta. Protagonistaren papera espazioa osatzen duten pertsonetatik abiatuko da, bere errealitate soziala marko teoriko ezberdinekin aztertuz. Publiko zabalagoari zuzendutako ekintza irekiak eginen dira ere, gogoeta-prozesuetan eragiteko eta gizarte-eraldaketarako zein herritartasun globalerako gaien inguruan zalantza eta kritika eragiteko.

Proiektuan landu ditzakegun gai orokorrak:

Giza eskubideak

Globalizazioa eta nazioarteko arazo ekonomikoak

Bidezko merkataritza. Kontsumo arduratsua. Ekonomia solidarioa

Generoa eta garapena

Migrazioak

Antiarrazakeria

Bizikidetza eta nortasun kulturalekiko errespetua

Klima aldaketa eta mundu mailako ingurumen arazoak

Zer egin dugu?

Tejiendo Solidaridad-Auzotik Mundura Eskola II

2022-2023

Aurten Tejiendo Solidaridad-Auzotik Mundura Eskolaren II. edizioarekin gatoz (sakatu programazioa ikusteko). Iruñeko elkarteetako egungo edo etorkizuneko hezitzaileei zuzenduriko formakuntza esparrua, hala nola elkar ezagutzeko topagunea. Prozesu honen bitartez ikaskuntzak, ikuspuntuak eta gaitasunak eraikitzea dugu helburu, parte hartzaileei inguratzen gaituen munduarekin kritikoak izatea; ekintza eta erabaki globalek gure egunerokotasunean eragina dutela, eta aldi berean, gure auzoan gertatzen denak mundua eraldatu dezakeela; bizitzaren zaintzan oinarritutako alternatibak ezagutzea; eta gizartean eragitea ahalbidetuz.

Elkar-korapilatuz

2022ko ekainaren 22a

Ikasturtea amaitzeko, talde guztien arteko topaketa bat egin genuen berriro. SEI, CEAR eta Eskauten Federazioko parte hartzaileak etorri ziren. Topaketa honetan, pixka bat gehiago ezagutu ginen eta talde bakoitzak Formakuntza Eskolan egindakoa kontatu zuen. World Cafe bat egin genuen urtean zehar egindako ekintzak ebaluatzeko, eta irudikapen-ariketa bat hurrengo ikasturtean egin nahiko genukeena pentsatzeko, zeinetan aparteko ideiak sortu ziren. Beraz, ikasturte hau esker onez, pozik eta hurrengorako gogoz amaitu dugu!

Ehundu: Ekintzarako lantegia

2022ko maiatza-ekaina

Behin alternatiba batzuk ezagututa, ekintzarako ordua da. Horretarako, talde bakoitzak proposamen artistiko-kultural bat hautatu zuen, zeinarekin Eskolan landutako gaien inguruan gizartea sentsibilizatu zezaketen. Aldezarrek, Buztintxureandok eta SEIk euren antzerki-sketch-a sortu zuten Teatrolarirekin; CEARek batukadaren historioari buruz ikasi eta gorputza danborren erritmora astindu zuten Niarawarekin; eskautetako begiraleek fanzine kolektibo bat argitaratu zuten; eta Vª Tropako trebeek baratzeko ziklo osotik igaro ziren Loraldearekin.

Elkar-korapilatuz

2022ko maiatzaren 8a

Elkarte bakoitzeko talde guztiek lehenengo bi lantegietan banaka parte hartu ondoren, maiatzaren 8an denok elkartu ginen Iruñeko Alde Zaharra zeharkatu zuen gymkhana batean elkar-korapilatzeko. Gainditu beharreko froga eta jolas ezberdinen bitartez, gure hiriko zenbait txoko zeharkatu genituen. Batzuk kapitalismoa, matxismoa, arrazakeria, etab. direla eta, gure hiria gaixotzen dutenak; eta beste batzuk, bizitza zaintzen duten alternatibei esker sendatzen dutenak, hala nola nazioarteko elkartasuna, bizitza komunitarioa, kontsumo arduratsua, energia garbiak, etab. Argazki guztiak eta informazio gehiago hemen eskuragarri.

Albaindu: Berreraikitzeko lantegia

2022ko martxoa-apirila

Mundu mailako sistema honek funtzionatzen ez duela ikusi ondoren, bidezkoagoa, jasangarriagoa eta elkartasunez jositako mundu bat eraikitzeko dauden alternatibak ezagutzen hasi ginen. Talde bakoitzak gai bat hautatu zuen, eta horrela, elikadura burujabetzari buruz ikasi genuen eskautetako begiraleekin; Vª Tropa eta Dendari Izarko trebeekin Ekonomia Sozial eta Solidarioaren azokan egon ginen kontsumo arduratsua lantzen; eta Aldezar, Buztintxureando, CEAR, SEI eta Yoarrekin pribilegioei eta bereizkeriari zein Giza Eskubideei buruz hausnartu genuen, eta lurralde anitzetako giza eskubideen emakume defendatzaileen istorioak ezagutu genituen.

Zirpildu: Diskurtsoak eta praktikak deseraikitzeko lantegia

2022ko urtarrila-otsaila

Formakuntza Eskola urtarrilan hasi zen Zirpildu lantegiarekin. Bertan, dinamika eta jolas ezberdinen bitartez egungo sistema nolakoa den ikusi genuen. Iparralde eta Hegoalde Globalaren arteko desorekak aztertu genituen, hala nola ondasun naturalen indarrezko ebastearen, gure kontsumoaren eta migrazioen arteko harremana, eta baita generoaren araberako ekoizpen- eta zaintza-lanen banaketa ikuspegi ekofeminista batetik. Honekin guztiarekin ulertu genuen etengabeko hazkuntza eta “garapenezko” sistema honek ez duela funtzionatzen, eta premiazkoa da hau aldatzen hastea. Hainbat argazki uzten dizkizuegu.

Tejiendo Solidaridad-Auzotik Mundura Eskola

2021-2022

Aurten Tejiendo Solidaridad-Auzotik Mundura Eskolari ekingo diogu. Elkarteetako egungo edo etorkizuneko hezitzaileei zuzenduriko formakuntza esparrua, hala nola elkar ezagutzeko topagunea. Prozesu honen bitartez ikaskuntzak, ikuspuntuak eta gaitasunak eraikitzea dugu helburu, parte hartzaileei inguratzen gaituen munduarekin kritikoak izatea; ekintza eta erabaki globalek gure egunerokotasunean eragina dutela, eta aldi berean, gure auzoan gertatzen denak mundua eraldatu dezakeela; bizitzaren zaintzan oinarritutako alternatibak ezagutzea; eta gizartean eragitea ahalbidetuz.

Flores de Papel

Urriaren 29an “Flores de Papel” antzezlana estreinatu genuen Gayarre Antzokian, ikusleek haien hausnarketak partekatu ahal izateko eztabaida-foro batekin barne. Antzezlanaren aurreko egunean Gizarte Antzerkiko Lantegia izan genuen.

Izan hurrengo ekitaldien eta informazio guztiaren berri hemen sakatuz.

Barne formakuntza

2021eko urriaren 4a

Proiektua aurrera eramaten dugun lau elkarteok -Mugarik Gabe Nafarroa, SOS Arrazakeria, SODePAZ eta REAS- ikasturtea ilusio handiz eta ikaskuntzak ehuntzen jarraitzeko gogoz hasi dugu. Horretarako, bakoitzak lantzen ditugun gaien puntu amankomunak bilatzeko barne-formakuntza egin dugu. Honen bidez, gure diskurtsoa zein ekintzak indartu eta aberastu nahi ditugu, lan egiten dugun elkarteei helarazteko asmoz.

Antzerki Sozialeko lantegia

2021eko urriaren 28a

Aurreko ostegunean Antzerki Sozialeko lantegia izan genuen Teatrolarirekin. Antzerkia sentsibilizaziorako eta aldaketa sozialerako tresna izan daitekeela ikasi eta praktikan jarri genuen, baita denok gai garela eszenatokian edo kalean antzezteko, kontzientziak eta ekintzak eraldatzeko. Hementxe sortu genuen obraren eszena bat. Eskerrik asko denoi.

Antzezlana eraikitzen

2021

Ikasturte osoan zehar Teatrolari antzerki eskola “Flores de Papel” antzezlana eraikitzen aritu da, bere pertsonaiek eskaini ahal dizkiguten aukera ugariekin esperimentatuz; haien elkarrizketekin, ekintzekin… jolastuz; klase eta genero harremanei, elikadura burujabetzari, migrazioari… eta bi pertsonaia horien topaketatik sortzen diren gai askori buruz gogoeta sortarazteko. Gainera, antzezlana modu parte-hartzailean osatu da, entseguetara “publiko kritiko” gisa joan diren elkartekideekin. Gero eta gutxiago falta da estreinaldirako!

Formakuntzak GASeko begiraleekin

2021eko apirila-maiatza

Astean behin, GASeko begiraleekin elkartu gara mugei eta askatasunez mugitzeko eskubideari, software askearen erabilerari, BDZ kanpainari eta lurraldearen zein giza eskubideen defentsari buruzko formakuntza ezberdinak egiteko; ondoren, ezagutza eta baliabide horiek guztiak gazteekin praktikan jar ditzaten. Gainera, gizarte-ekintzako talde gisa, Palestinako eta Kolonbiako gertakari larriekin konprometituta, egun horietan deitutako kontzentrazioetan parte hartu genuen.

Klima aldaketari eta energia berriztagarriei buruzko hitzaldia Lacarrarekin

2021eko apirilaren 29an

Joan den ostegunean, Lacarra Nagusien Elkarteak klima-aldaketaren arazoari buruzko online hitzaldi bat jaso zuen Goienerren eskutik. Kooperatiba zertan datzan aurkezteaz gain, klima-aldaketari aurre egiteko guk zer egin dezakegun ere azaldu zuten, eta energia-jasangarritasunerako zein elektrizitatearen fakturan aurrezteko zenbait aholku eman zituzten. Amaitzeko, solasaldia aberastu zuen galdera- eta hausnarketa-tarte bat izan zen.

SEI-ko gazteak Baratze Kritikoan

2021eko apirilaren 23an

Maialen Chantre ekoizle nafarraren eskutik, SEIko gazteek Baratze Kritikoaren erakusketan bisita gidatua egiteko aukera izan zuten. Elikadura-sistemari buruz hitz egiten duten paneletan zehar, ikuspegi kritiko batetik nekazaritzako elikagaien negozioaren tokiko eta mundu mailako egoeran; elikadura segurtasunik ezan, lurrerako eskubidean, migrazio-mugimenduetan, emakume baserritarren egoeran eta aurki ditzakegun alternatiba anitzetan murgildu ziren, besteak beste.

Lolita Chávez eta Aldezarrekin topaketa

2021eko martxoaren 26an

Lolitaren hitzarekin jarraituz, ostiralean Aldezarreko formakuntza taldearekin bizipenak partekatu genituen. Oraingoan Lolitak, Iparralde Globaleko biztanle garen aldetik, gure erantzukizuna har dezagun eta gure lurraldean zein Hegoaldean enpresa transnazionalek burutzen dituzten indarkeriei aurre egiteko deialdia egin zigun. Komunitatearen garrantziaz aritu ginen, elkar ezagutzeaz eta indarrak batzeaz; arte-adierazpenek dakarkigutenaz; ikuspegi feministak, LGTBIQ+, antirrazistak, ekologistak, kulturalak… biltzeaz; eta haur eta gazteek esparru guztietan parte hartzearen garrantziaz.

Lolita Chávez eta GASekin topaketa

2021eko martxoaren 24an

Asteazken hartan, Lolitarekin eta GAS-eko taldeekin hitz egiteko aukera izan genuen. Beste askoren artean, erauzketa-enpresek; inperialismoak; behartutako migrazioek; gorputzen, herrien eta lurraren gaineko indarkeriak; zein defendatzaileen jazarpenak eta estigmatizazioak Iximulew-ko (gaizki izendaturiko Guatemalako) lurraldean eragiten dituzten egoerei buruz aritu ginen. Baina baita horren guztiaren aurrean, bizitzaren eta lurraren alde egiten duten proposamenetaz, auzolanetaz, maia herriaren kosmobisioaz, hezkuntza herrikoiaz, asanbladetaz, amorru duinaz… labur esanda, defendatzaile, feminista komunitarioa eta bozeramaile bezala Lolitak izandako bizipenetaz. GAS-eko gazteek ere, ehungintzaren salaketaren eta Disney printzesen eraldaketaren inguruan egindako lana partekatu zuten, besteak beste.

Bullying arrazistari buruzko tailerra SEI-rekin

2021eko martxoaren 13an

SEI-ko premonien taldeak, elkartera iritsi berri diren txikiekin jarduerak burutzen ditu astero, eta, horretarako, etengabeko prestakuntzan ari dira hezkuntza emozionala, gatazken konponbidea eta sexu-heziketa bezalako gaietan. Kasu honetan, SOS Arrazakeriako kideek bullying arrazistaren aurrean esku-hartzeko tailer bat egin zuten, non bi kontzeptu horietan sakondu, esku-hartzeko eta ekiditeko protokoloak ezagutu, eta etiketei eta aurreiritziei buruz hitz egin zuten.

GAS-ekin Elikadura Burujabetzan murgiltzen

2021eko martxoaren 18an

Ostegun honetan, Elikadura Burujabetzan lan egiten duten Maialen Chantre eta Ana Claudia Rauber nekazari gazteak entzuteko aukera izan dugu. Maialenek bi urte daramatza Zugarramurdin bere proiektuan lan egiten, ekoizten dituen produktuak inguruko herrietan eta kontsumo talde bati salduz. Ana Claudia Paranako estatuan (Brasil) bizi da, Movimento de Molheres Camponesas-eko (MMC) militantea eta hazi kreolen zaindaria da. Biek agroekologiaren alde lan egiten dute, lurra eta pertsonak zaintzeko proposamen gisa ulertuz; eta egunero, sistemak emakume, gazte eta nekazari izateagatik ezartzen dizkien zailtasunei aurre egiten diete.

GAS-ekin Elikadura Burujabetzan murgiltzen

2021eko martxoaren 4an

Medicus Mundiko Gizarte Ekintzako Talde (GAS) hau ostegunero biltzen da kezka sortzen dien gai bati buruz eztabaidatzeko, hausnartzeko, ikasteko eta, hortik abiatuta zalantzak, aldaketak, mobilizazioak… bultzatuko dituen ekintza bat burutzen dute, horrela, gizarte bidezkoago eta iraunkorrago baterantz aurrera egin dezagun. Oraingo honetan, haiekin bildu ginen Elikadura Burujabetza zer den aztertzeko. Eredu agroindustrialaren zentzugabekeriari buruzko zenbakiak eta hausnarketak partekatu genituen; baita elikadura burujabetzak bizitza zaintzeko eskaintzen digun aukera ere; eta mandarino-soroetara bidaiatu genuen gure zentzumenen bitartez.

Aldezarrekin elkar ezagutuz eta jolastuz

2021eko urtarrilaren 26an

Auzotekako gazteak munduko errealitateak ezagutzen ari dira, beren ingurunea eraldatzen eta eragiten hasteko. Horretarako, beste erakunde batzuetakoekin batera, gure atea jo zuten zer egiten dugun eta eraldaketa solidario eta justu horretarako gure proposamenak zeintzuk diren galdetzeko. Elkarrizketa arratsalde polita izan genuen, Bety Cariñoren monopolyan jolasteko eta Triqui herriko (Oaxaca, Mexiko) defendatzaile honen borrokak hurbilagotik ezagutzeko aukera ere izan genuen.